Lebap welaýatynyň Halaç etrabynyň Pelwert obasynda ýerleşýän hassahana Türkmenistanda Gün energiýasy ulgamy ornaşdyrylan ilkinji saglygy goraýyş merkezi boldy diýip, TDH habar berýär.
Hassahana elektrik energiýasyny öndürýän Gün batareýalary bilen enjamlaşdyryldy. Bu maksatnama Türkmenistanyň Saglygy goraýyş we derman senagaty ministrligi bilen bilelikde durmuşa geçirilýän ÝUNISEF-iň innowasion taslamasynyň çäklerinde durmuşa geçirildi.
Arassa elektrik energiýasy bilen üznüksiz üpjün edilmegi ähli zerur lukmançylyk maksatly we lukmançylyk maksatly däl enjamlaryň gije-gündiziň dowamynda işlemegine, şeýle hem hassahananyň näsaglara yzygiderli, esasan hem tebigy betbagtçylyklarda päsgelçiliksiz hyzmat etmegine mümkinçilik döreder.
Gün şöhlesine we ýagtylyga baý bolan Türkmenistan üçin Gün panelleri arkaly üznüksiz, durnukly, ygtybarly we arassa elektrik energiýasy almak iň oňat hem-de amatly çözgütleriň biridir diýlip, çeşmede bellenilýär.
