4-nji awgustda Aşgabatda «Türkmenistan — Täjigistan — Özbegistan» görnüşinde üç taraplaýyn sammit geçiriler. Duşuşyga Prezidentler Serdar Berdimuhamedow, Emomali Rahmon we Şawkat Mirziýoýew gatnaşar diýip, «Turkmenportal» Türkmenistanyň daşary işler ministri Raşid Meredowyň täjik we özbek kärdeşleri bilen geçiren onlaýn duşuşygynyň netijelerine salgylanyp habar berýär.
Häzirki wagtda üç taraplaýyn sammitiň öňüsyrasynda ýokary derejeli duşuşykda gol çekilmeli resminamalaryň üstünde işler alnyp barylýar. Üç ýurduň döwlet gullukçylarynyň we diplomatik edaralarynyň işgärleriniň arasynda aýratyn duşuşyklar geçirilýär diýlip, çeşmede bellenilýär.
