Aşgabatda «Eksport-import amallary üçin bir penjire» ulgamynyň işini utgaşdyrmak boýunça Pudagara toparynyň nobatdaky mejlisi geçirildi diýip, «Türkmenistan: Altyn asyr» Türkmenistanyň Döwlet gümrük gullugynyň saýtyna salgylanyp habar berýär.
Duşuşyga Pudagara toparyň düzümine girýän ministrlikleriň, pudaklaýyn dolandyryş edaralaryň we jemgyýetçilik birleşmeleriň wekilleri gatnaşdylar.
Mejlise gatnaşyjylar ygtyýarly edaralar tarapyndan «Bir penjire» ulgamyny ornaşdyrmakda gazanylan netijeler bilen tanyşdylar, şeýle hem bu ulgamda pudagara hyzmatdaşlygy işjeňleşdirmek boýunça geljekki wezipeler bellenildi.
