Geçen hepde Mary welaýat merkezinde «Energiýany tygşytlamak we energiýadan netijeli peýdalanmak ulgamlarynda, şeýle hem şäher galyndylary alternatiw energiýa çeşmesi hökmünde ulanmak boýunça kadalaşdyryjy hukuk namalaryny we kadalaşdyryjy-tehniki resminamalary işläp düzmekde halkara tejribesini öwrenmek» atly okuw maslahaty geçirildi.
Çärä Energetika ministrliginiň, Türkmenistanyň Döwlet energetika institutynyň «Gaýtadan dikeldilýän energiýa çeşmeleri» (GDEÇ) ylmy-önümçilik merkeziniň hünärmenleri, bu ýokary okuw mekdebiniň mugallymlary we talyplary, şeýle hem BMGÖM-iň Türkmenistandaky durnukly şäherler boýunça taslamasynyň hünärmenleri we halkara geňeşçiler gatnaşdylar.
Okuw maslahatynyň dowamynda Energetika ministrliginiň, TDEI-niň we BMGÖM taslamasynyň hünärmenleri bilen bilelikde energiýadan netijeli peýdalanmak we gaýtadan dikeldilýän energiýa çeşmeleri hakynda kadalaşdyryjy hukuk namalaryny işläp düzmek boýunça ýerine ýetirilen işler tanyşdyryldy.
