Şu gün, 27-nji sentýabrda Türkmenistanyň halky ýurduň Garaşsyzlygynyň 32 ýyllygyny belleýär. Şunuň bilen baglylykda, hormatly Prezidentimiz Serdar Berdimuhamedow şanly waka mynasybetli watandaşlarymyzy gutlady.
Garaşsyzlyk biziň şöhratly geçmişimizdir, bagtyýar şu günümizdir, beýik geljegimizdir. Garaşsyzlyk biziň dünýä dolan belent at-abraýymyzdyr hem-de şan-şöhratymyzdyr. Şoňa görä-de, biziň mukaddes Garaşsyzlygymyza bolan hormatymyz, söýgimiz, wepalylygymyz ebedidir we egsilmezdir diýip, döwlet Baştutanymyz nygtady.
Gutlag dolulygyna resmi metbugatda çap edildi.
