28-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow iş sapary bilen Germaniýa Federatiw Respublikasyna ugrady.
Berlinde Gurbanguly Berdimuhamedow şu gün, 29-njy sentýabrda geçiriljek «GFR – Merkezi Aziýa» sammitine gatnaşar. Sammite Gazagystanyň, Gyrgyzystanyň, Täjigistanyň we Özbegistanyň Prezidentleri hem gatnaşarlar.
Bu «GFR – Merkezi Aziýa» görnüşinde geçirilýän ilkinji sammitdir. Taraplar sebitiň ýurtlary bilen Germaniýanyň arasynda dürli ugurlarda, şol sanda ykdysadyýet, energetika, ekologiýa we howanyň üýtgemegi boýunça hyzmatdaşlygy pugtalandyrmagyň meselesini ara alyp maslahatlaşarlar.
