Balkan welaýatyndaky Türkmenbaşydaky nebiti gaýtadan işleýän zawodlar toplumynda taslama kuwwaty 70 Megawatt/sagat bolan iki sany gaz turbina elektrik stansiýasyny işe girizmäge taýýarlyk görülýär. Bu desgalar innowasion tehnologiýalar esasynda gurlandyr.
Şeýle hem TNGIZT-de häzirki hereket edýän elektrik stansiýasynyň durkuny täzelemek işleri geçirildi. Taslamany Türkiýäniň «Çalik Enerji» kompaniýasy durmuşa geçirdi.
Bu barada ýangyç-energetika toplumyna gözegçilik edýän wise-premýer Batyr Amanow Ministrler Kabinetiniň mejlisiniň dowamynda hasabat berdi diýip, TDH habar berýär.
