Şu gün Aşgabatdaky Olimpiýa şäherçesinde Kuraş boýunça XIV dünýä çempionaty geçiriler. Ol türkmen sportunyň taryhyna nobatdaky ajaýyp sahypa bolup ýazylar diýip, TDH habar berýär.
Hormatly Prezidentimiz Serdar Berdimuhamedowyň gol çeken Kararyna laýyklykda, Dünýä çempionaty – 2023 23 – 28-nji noýabrda Olimpiýa şäherçesiniň Başa-baş söweş sungaty sport toplumynda geçiriler we onda 15 medal toplumy ugrunda 7 erkek we 8 zenan agram derejesinde tutluşyklar guralar.
Ýatlatsak, Kuraş boýunça dünýä çempionaty 2023-iň geçiriljek günleriniň öňüsyrasynda Türkmenistanyň 2023 – 2027-nji ýyllar üçin ÝUNESKO-nyň Bedenterbiýe we sport boýunça hökümetara komitetiniň agzalygyna biragyzdan saýlanylmagy şanly waka boldy.
