Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow türkmen halkyna Täze ýyl gutlagyny iberdi. gutlagyň ýazgysy resmi metbugatda çap edildi.
Türkmen halkynyň Milli Lideri Gurbanguly Berdimuhamedow Köpetdagyň eteginde Arkadag şäheriniň dabaraly açylyşynyň 2023-nji ýylyň ajaýyp wakalarynyň biri bolandygyny aýtdy. Bu şäher şu günüň hem geljegiň şäheridir, bagtyýarlygyň hem abadançylygyň şäheridir, ýaşlygyň hem bagtly durmuşyň şäheridir diýip, Türkmenistanyň Halk Maslahatynyň Başlygy belledi.
«Täze ýyl hemmäňize rysgal-döwlet, bagt getirsin! Täze ýyl bedew bady bilen ähliňizi maksat-myrada ýetirsin!» diýlip, gutlagda bellenilýär.
