Türkmenistanyň Döwlet medeniýet merkeziniň Döwlet muzeýine näbelli gadymy organizmiň yzlary bolan dag jynsynyň nusgasy tabşyryldy. Diametri 8–12 mm bolan altyburçly gözenekler bal arylarynyň öýjügini ýatladýar we 130–150 sm2 meýdany eýeleýär diýip, «Neýtralnyý Turkmenistan» gazeti habar berýär.
Daşa öwrülen bu galyndy Günbatar Kopetdagda Sünt-Hasardag dag gerşiniň eteginde, Magtymguly şäheriniň golaýynda ekolog alym Waleriý Iwanowiç Kuznesow tarapyndan tapyldy. Bu ýerde deňziň ýokarky ýalpaklygynyň 60 – 80 million ýyllyk çökündi gatlaklary köp duş gelýär. Şeýle yzlar ozal biziň ýurdumyzda tapylmandy, şonuň üçin bu nusga muzeýiň ylmy işgärlerinde gyzyklanma döretdi.
Täze muzeý gymmatlygy Tebigat we ülkäni öwreniş bölüminiň Ýer planetasyndaky ýaşaýşyň ewolýusiýasyna bagyşlanan sergi bölümindäki beýleki galyndylaryň arasynda öz ornuny alar.
