Türkmenistanyň nebitgaz toplumynyň merkezi binasynda ýurdumyzyň ugurdaş ministrlikleriniň we dolandyryş edaralarynyň wekilleri bilen Aşgabat şäherine gelen BMG-niň Ýewropa ykdysady komissiýasynyň durnukly energetika bölüminiň direktory Dario Ligutiniň arasynda duşuşyk geçirildi diýip, Türkmenistanyň Halkara habarlar merkezi habar berýär.
Duşuşykda taraplar gaýtadan dikeldilýän energiýa çeşmeleri ulgamynda hyzmatdaşlygy işjeňleşdirmegiň, şeýle hem tebigy gazyň ulanylyşynyň meselelerini ara alyp maslahatlaşdylar.
BMG-niň ÝYK-niň wekili Türkmenistanyň ekologiýa howpsuzlygy babatynda toplan tejribesine oňyn baha berdi.
